About The Story : 11:11 Promises✨
Hum aksar sochte hai ki har rishta manzil tak pahunchega, par Subham aur Parisha ki kahani thodi alag thi. Kuch log hamari zindagi me isliye aate hai taki wo hame sahi rasta dikha sake aur kuch naya sikha sake. Pyar ka mtlb sirf pana nhi, kabhi-kabhi na chahte hue bhi unhe azad kar dena chahiye , jinse hum sabse jyada pyar karte hai. Ye kahani hai Subham aur Parisha ki.♥️👩❤️👨♥️
Parisha aur Uska Khamosh Aasmaan : 11:11 Promises✨
Parisha ko bheed pasand nhi thi. Wo unlog me se thi jo jyada sunna pasnd karti thi, aur bolti kam thi. College ke lecture halls me wo last bench par window ke side baithti thi, jahan se aasmaan clear dikh jata tha. Har roz wo ek hi baat sochti, log itna loud kyu hote hai jabki dil itna khamosh hota hai? 🌈☁️
Wo love ke naam se hi darti thi. Usne apne parents ka rishta dekha tha – sath rehkar bhi kitne dur thay. Parisha ne decide kar liya tha, pyar sirf stories me acha lagta hai na ki real life me.😨
Subham ki zindagi : 11:11 Promises✨
Subham ko college me sab jante thay , bike par bina helmet aur ek hath me cigarette ghumata hua , aankhon me ajeeb si seriousness. Kuch log kahte thay wo arrogant hai aur kuch log usey broken smjhte thay. Wo smile karte hue bhi sad dikhta tha , shayad uske past me kuch bahut bura hua ho.
Pehli Mulakaat – Ek Galti ki Tarah : 11:11 Promises✨
Unki pehli mulakaat romantic nhi thi. Parisha library me baithi diary likh rahi thi. Tabhi ek hath aaya aur diary uth gayi. ” Tum aasmaan se baat karti ho?” Subham ne poocha. Parisha ka dil zor se dhadakne laga “Give it back,” usne kaha, thoda gusse aur thoda dar ke sath.😨😡
Subham ne page read kiya aur smile karte hue bola , tum interesting ho. Parisha ne jawab diya, tum rude ho. Wo pehli baar kisi se iss tarha baat kar rahi thi. Aur usey bura bhi nhi lag rha tha.
Dheere-Dheere, Bin Bataye : 11:11 Promises✨
Subham jyada baat nhi karta tha , par jab bhi karta toh sidha dil tak feel hota. Parisha jyada bolti nhi thi, par jab likhti, toh uske words me akelapan aur pyar ki kami mehsus hoti thi. Unki friendship casual nhi thi. Wo silent thi.🤝😑
Late evening walks. College ke baad sath me coffee pina. Aur wo conversations jo bina shuru hue khatam ho jati thi. Ek din Subham ne poocha, tum mujhe dekhkar uncomfortable kyu nhi hoti? Parisha boli – kyuki tum jaise ho mere samne waise hi rahte ho. Subham ne us din pehli baar sach me smile kiya.☺️
Pyar – Jo Chupke Se Hua : 11:11 Promises✨
Pyar kab aur kaise hua, Parisha ko pata hi nhi chala. Ek din usne realise kiya – jab Subham pass nhi hota , toh usey bilkul bhi kisi kaam me man nhi lagta , ek ajeeb si bechaini hoti usey dekhne ki tadap. Subham ne kabhi officially propose nhi kiya. Usne bas ek din kaha. Tumhari khamoshi mujhe shor se bhi jyada pasnd hai.🥰🥹🥰
Parisha ne sirf itna kaha, “Stay”. Aur Subham uske pass ruk gaya.💗
Dar – Jo Sath Sath Aaya : 11:11 Promises✨
Subham bina bataye kabhi-kabhi gayab ho jata. Na to call receive karta aur na hi kisi message ka reply deta. Parisha ka dil ghabrane lagta , par wo kabhi poochne ki himmat nhi karti, kyuki wo darti thi – ki poochne par kahi chhodkr na chala jaye.💔
Ek raat Parisha ro padi. “Tum mujhe poori baat kyu nhi batate?” Subham ne usey jor se hug kr liya. “Kyuki agar sach bta diya…toh tum mujhe chhod dogi.”🥺
Sach – Jo Maar Deta Hai : 11:11 Promises✨
“Hospital ki smell aur wo safed deewarein… Parisha aaj bhi unhe bhul nhi payi hai. Wahan har taraf machines ki ‘beep’ goonj rahi thi. Subham bed par leta tha – Stage 4 Cancer.🏥
Parisha wahi gir padi. ‘Kyu chhupaya mujhse yeh sab?’ Subham ne uske haath thame aur dheere se kaha, ‘Mai nhi chahta tha ki meri wajah se tumhari aankhon me aansu aayein.’ Esha rote hue cheekhi , ‘Pagal ho tum? Tum mere aansu nhi, tum meri jeene ki wajah ho!'”🥺☺️
Waqt – Jo Kam Pad Gaya : 11:11 Promises✨
Subham ke pass waqt kam tha , par unke beech ka pyar badhta ja raha tha. Parisha har roz uske liye ek nayi kahani likhti aur usey padhkar sunati. Uske liye Parisha ke words hi ab sukoon ka zariya tha. Ek din, Subham ne uska hath pakda aur halki awaaj mein kaha, Ek vaada karo… agar mai chala bhi jau, toh tum likhna kabhi band nhi krogi. ✍️📝
Tumhari baaton me mai hamesha zinda rahunga. ‘Parisha ki aankhein bhar aayi , usne aansu chhupate hue bas itna kaha – “Vaada raha”.✨
Last Day of Subham Life : 11:11 Promises✨
Us din aasmaan bahut saaf tha. Subham ne Parisha ka hath pakad kar kaha, “Mai upar jakr tumhara favourite sky banunga.” Aur phir wo hamesha- hamesha ke liye iss duniya se alvida ho gaya. Yah pal Parisha ke liye kisi maut se kam nhi tha.🥺😭
Kuch Saalo Baad : 11:11 Promises✨
Saalo baad Parisha ek author baan gayi thi. Uske first book ka naam tha . 11:11 Promises – A Sky Full of Memories. The last word’s – “Pyar ka matlb saath rehna nhi hota. Kabhi-kabhi pyar ka matlb hota hai…unhe azad kar dena . Parisha ne sky ki taraf dekha aur pehli baar royi nhi.📝✍️
Message of The Story – 11:11 Promises✨
Kisi ka saath sirf jism se nhi hota. Parisha ne sikha ki Subham ka hona uski physical presence se jyada, uske ehsas aur us aasmaan nein tha. Pyar ka matlb kisi ko bandh kar rakhna nhi, balki unhe itni jagha dena hai ki wo hamari rooh ka hissa ban jayein.♥️👩❤️👨♥️
- Ummed hai aapko Subham aur Parisha ki ye kahani (11:11 Promises – A Sky Full of Memories) pasnd aayi hogi.
- Humse judne ke liye iss link par click karey Contact Us.
- Deewane ki Dewaniyat Part -1 link.
- Deewane ki Dewaniyat Part – 2 link.
- Nafrat Se Ehsas Tak – Story link.
- A Beautiful Melody Song : – Tumhare Siva Kuch na, chahat karenge.
The End…..